داتگیں عکسا شہ راستی نیمگا دیم پہ چپـّیا؛ علی رئیسی، واحد بندیگ، خدا مرزی چراغ ناروئی،جمشید امیری و ولید گربنی
أنگت کمال خان ھوتءِ بیرانیا بازین بلوچ سربتگ کتگ أنت، حال أتک کہ مرچییں روچا نامداریں بلوچ اُستاد چراغ ناروئیءَ ھم مئے ھمراھی یلہ دات۔ چراغ ناروئی ماں برطانیا بلوچ جھدءِ مزنیں بھرے بیتگ۔ ألبت لھتے سال ساری آئیا لندن یلہ دات و مغربی بلوچستانءِ دلگاھی شھر پھرہءَ وتی مردمانءِ نیاما زند گوازینگ پسند کت، و ھمودا جاہ منند بیت۔

چراغ ناروئی یکے شہ کوھنیں اُستاداں أت۔ آئیا مغربی بلوچستانءِ بازیں ھنداں ماں مدرسواں زھگ وانیتگ أنت۔ و آئیءِ وانیتگیں بازیں بلوچ شاگرد زند أوارین تکاں وتی قوما راھشونی کنگا أنت۔ چراغ ناروئی یکـّے شہ مئے دوستیں سنگتان أت۔ آئیءِ بیرانیءِ حالا مارا سک غمیگ کت۔