ماہ مہ: مبارکباد

دل ءِ پاھـــارءَ جَـــــوھیل ءِ ،زبانے    چہ وت جوڑئینتءُجکسئینت ئی جھانے

ھما سُھـــرئین سحــرگاہءِ تواراِنت      بداں جنت  کــرّ کنت مان ھـــر  مکانے

سجّھئین جھانءِ درستیگئین کاریءُ زحمت کشان، پہ وتی لگت مالئین حقءُ حقوقانی بِرجاہ دارگءِ ھاترءَ ، تان مرکءِ سیاہ ءُ تھارئین کلچاتءَ جِد ءُجُھد

دئیمءَ بُرتگءُ گون دل، چہ جانءِ حاصلان پانکپانی کتگ .

 آروچی کہ آمریکاءِ نامدارئین کاری، جوھیلءَ بُرتءُ پانسی دات اِش

آئیءَ پہ دلجمی گون ظالمءُ سر زوران گوشت :منءَ مان اے سُھرئین سحرگاہءَ، گون چُپ بوتنءُ سکوت،دئیم پہ مرک جاہءِ کلچاتءَ براِت،بلے یکین بہ زان ات کہ :منی اے زورئین چُپ بوتنءُ سکوت، ھمے باندءَ ،چہ ھربرزترئین گوانکءُ توارے گئیشتربیتءُ کوکارئی ظالمانی گوشان کرّ کنت.

جھانءِکاریءُ زحمتکشانی ماہ مے ءِ اولی روچ، ملیونھا ملیون جوھیل صفتانی رزمءُ رنجءِ حاصل اِنت . اے نمیرانئین روچ، تان انسانءِ سیت کشّیانی ھلاسیءِ روچءَ ، پادارءُ نمیران مان اِیت.

جبھہ متحد بلوچستان ایران، جمھوریخواھان اے نمیرانئین روچءَ پہ ملکءُ کومءِ ، انچش پہ سجّھئین جھانءِ زحمت کشان شات بات گوش اِیت.

                             جبھہ متحد بلوچستان ایران، جمھوریخواھان