ھرءِ مقام :
مَُــرت آدمیَت مــرچـــی نون اَوصاف دنیای ھَـرِانت
ھَـــر، کـــــردءِ بازارءَ یقین اَچ آدمــــی ءَ صد سراِنت
اےمـــردم اَنـت آ کہ دے اَنـت آزار ھمنوع ءَ وتـــی
دیستگ کدی تو کہ ھَـــرے کست ئی پہ آزارِھــرانت
گوشت اَں ھَرانی کنگرئین پاکارءَ گون مــن اے ھبر:
شات اِں کہ حشرءِ دفتران نام اِں چہ ھرجُرمے درانت
ما را پــــہ اے نامءَ ھَــــرئیں پھـــــراں وتِیگا صد برءَ
انسانءِ کِـــــــردءَگندھئیں ھَــــــر تو گشئے پیغمبراِنت
ھجگر ھـَــــــرے تحقیــــر کنت یک گندھئیں انسانیءَ؟
انسانءِتحقــــیر گنــترئیں ھـــــر جا گہءَ گندِات ھَراِنت
کُشتارءِ فـــــرمانءَ نداَنت ھجگر پـــہ ھمنوع ءَ ھَرے
گرَاِیت نہ پہ جنگءُ جدل دست ئی نہ شلَئیں خنجراِنت
عصِــــانءِ آسرقــــافـــــــلہ انسان ءِ ِبـابـایــت یلــــئین
چے جُـــــــرمءُ عصیانءَ ھَــرءِھم پیرُکءُ بلَک دراِنت
شگرئیں کہ ما ھَـــــــر بوتـــنءُ زنــــــدءَ نبوتں آدمی
نئیست اِں مان دنیائے دگـــہ دوزخ کہ پُراَچ اشکراِنت
مئے مھــــــربانی عــــالمے صُھل ءُ صفا اِں جنَتے
عالِم گش اَنت :عالــم گھئیں دنیای زئیبـــای ھَــــراِنت
ھجگـــــر نرمبئین اِیت ھَـــرے ھُردءُ کسانئیں کُرَگءَ
کـــودک طلاقءِ درگـــتءَانسانءِ سک بے بُنــدراِنت
سر مست بیت لاگے سَتَــــــرپــر کُرَگے پاس نبارت
گـہ نرَہ انسان ماں جھان گوں کودکاںسِر بَر سَراِنت
ھجگر شما دیستگ ھرے مستی بکنت گون مردمے؟
انسان نَیل اِیت ما ھراں وھدے کہ گنداِیت نادَراِنت
رند اَچ چشئیَں رسوائیئے سوچ اَنت بھانءَ٫ بزگئیَں
جُرمءُ نمنَ اَنت ءُ گوش اَنت: اے حکم آئین ءُ شراِنت
آکارءُ اے ھم دین اِنش گون حکمءُ دستوراں چشئیں
ھنگت پہ یک پھرے گوش اَنت:انسان جھانءِ سروراِنت
۲
گـــوں سجَھئیں ناراھـــــیءُ اے قتل ءُ کوشان آدم ءِ
ھرکس کہ ما را نام داَنت انسان چـہ انصافءَ دراِنت
آھیــــریءُ حـــرث ءُ طمح انسانءَ آھِر چاتءَ بارت
آکہ مان زنــدءَ شر زانت راہءَ چہ ھر چاتءَ ھَراِنت
مھــرءُمروَت ھــر ھَــــرءِ گوستگ چہ حــــدَءَ اُوبشر
ھر جا کہ یک بارے کپ اِیت ھَر ماں ھموداں حاضراِنت
گون اے درستئیں مھنتان رئیش اِنت ھگت پُشتءُ بَج اِں
انسانءِظــــلمءِ ھَـــــیزران مان بارءِ چئیرءَ ھــم گراِنت
جــــی ما ھَــــراِں ناھودگئیں پھــــرءُ تکبُـــر نے ھَراں
نئیست اِں نــــژادءَ جَھلءُ بُرزذات اِں جھانءَ ھمسراِنت
مکــــرءُ حسدءُ کئینگ اِں نئیست اِں مان جانءُ جَوھرءَ
پُر اَچ چُشئیں بیمــــــاریاں انسانءِ رنگئیں چـــــادراِنت
منـــــــدرءُ دروگ ءُ حیلتءُ بُھتامءُ رپک اِں جانءَ نے
مِھـــراِں پہ ھــر کارءَ بچارمان ھر کجا بے دروراِنت
مئے یک جھـــــانے شادھئیں بے جنـــگءُکُشتارءُدغا
گرنچئینگءِ زمزیلءُجئیــل اَچ مئے گلئیں زندءَ دراِنت
تان اشکت اَنت اُون من ھَــــرءِ کــردارءُ آ دُرَئیں سخن
گوشت اُوں گون چمَے گرئتگئین جی نئیک نامیَ ءِ گراِنت
درئیچا کہ انسان ھں گون وت، کردارءَ بوتئیں چو شما
گون اے وڑئیں سیہ کاریاں، ھَر مئے یقینا سروراِنت
ھست اِں اجــــازت تان شمئے نامءَ بـزوراِں منگھئین؟
ھنَون کہ کرداراِں گون وت سک گنتر اَچ ھررستراِنت
شر چاراِتـــــی لھتے مـــنءَ گون بژنءُ پُردردئیں دلے
ھنچـــــو کہ چـــاراِیت عاقلے نادانــــیءَ کہ قاصراِنت
آھِـــــــرسرءَ دات ئــــی من ءَ دراھئیں ھَرانی اے کلو
ماں ھـــــر کلام اَی تو گشئے دُرَ ءُ ھزاراں گوھــراِنت:
گوشت ئی مھلَ اِت مئے ھرئیں نام ءَ اُو میران نون پہ وت
آکہ خجالت بیت اَچ اے ھمنامــــیءَ بانـــدا ھَـــــــراِنت
2009ـ10 ـ30








ممم